2026年07月10日星期五，HOY TV 節目《東方表行Take Your Time 特約: 一刻．時光》2026 第四集（EP4）播出本會訪問。本會核心成員、侍茶及製茶師李妍小姐（藍籃）代表受訪，並與主持人吳海昕 (Sofiee Ng) 一同走訪嘉道理農場，親身示範與講解香港採茶及傳統手工製茶的嚴謹工序。節目探討了品茶美學、手工茶背後的專注與堅持，以及本會如何透過研究香港茶歷史與客家文化，重新尋找身份認同。
報導摘錄：
「浪青、揉捻，日以繼夜製好茶。品茶，自古係優雅嘅生活美學。當一個文化女生遇上茶，不解之緣由此起。」
主持人（吳海昕 Sofiee Ng）：
「製茶總共有幾多個步驟㗎？」
本會成員 李妍（藍籃）：
「我哋會分成七個步驟啦。首先一開始我哋會採茶先，會採『一芽二葉』……採完之後我哋會攤放大概20個鐘左右，佢會不斷有啲水份同埋味道釋放出來嘅狀況，我哋就會稍為翻動一下。20個鐘之後就會做『浪青』嘅步驟，然後靜置幾個鐘，再做一個發酵嘅工藝，其實係做緊一個氧化……再之後就會擺去乾燥，分幾個階段進行，之後就會初步成為我哋平時可以見到嗰啲茶。」
主持人（吳海昕 Sofiee Ng）：
「原來一杯茶嘅誕生，係比我想像中沉重嘅，因為我冇諗過要差不多兩日先可以做到一杯茶。所以，我而家先至明白，原來飲一口茶背後嗰種回甘，係正正凝聚住好多份堅持。」
本會成員 李妍（藍籃）：
「我哋喺學或者喺研究呢個過程，我哋搵到好多香港嘅歷史呀。呢個歷史唔係淨係茶嘅種植歷史咁簡單，而係例如香港嘅客家文化嘅一啲源流啦，咁呢啲都係香港本身嘅歷史啦，嚟搵到我哋屬於我哋自己嘅身份囉。而我哋當知道自己嘅角色同身份嘅時候，咁我哋就更加能夠去為我哋嘅土地去打點，就知道我哋香港應該未來要點樣發展落去。」
節目精華重溫連結：
香港茶葉研製所 Hong Kong Tea Production Institute 
你必須登入才能發表留言。